Skip to main content

WARAQAA RAGAA DHALOOTAA


        Amantiin kiristaanaa waan miira caalaatti hundee gadi fagoo qabu irratti hundeeffamedha. Hojii yesuus jireenya isaatiin, du'uu fi du'aa ka'uu isaatiin nuuf raawwate irratti bu'uureffameera. Kana kitaabni qulqulluun nuuf ibsa. Garuu kitaabni qulqulluun maali? Kitaabni qulqulluun isa yaada namoonni waa'ee waaqayyoo qaban nutti himu osoo hin taane, waan Waaqayyo waa'ee keenya yaadu kan nutti dubbatudha. Inni ergaa Hafuura waaqayyoo qabu isa Waaqayyo dhala namaatiif ergedha. Kanaafidha kan kiristaanonni "SAGALEE WAAQAYYOO" jedhanii isa waamaniif. Warra isatti amananiif abdii waaqayyo kenne kunoo hanga tokko kitaaba qulqulluu keessaa mirkaneeffachuu dandeessa.
1) waaqayyo akka si dhagayu: (Macaafa Ermiyaas Raajichaa 29 )
 ------------
12 Yommus isin gara kootti deebitanii maqaa koo waammattanii ana in kadhattu, anis isiniif nan dhaga'a;
13 isin ana in barbaaddattu; garaa keessan guutuudhaan yoo ana barbaaddattan, ana in argattu;
2) waaqayyo akka si jaallatu: (Roomaa 8 )

38 Duuni, jireenyi, ergamoonni waaqa irraa, warri bantii waaqaa keessatti aboo qabu jedhamanii sodaataman, wanti amma jiru, wanti dhufuuf jirus hundinuu, wanti humna argisiisuu danda'us, jaalala Waaqayyoottii gargar akka nu hin baafne ani beeka.
39 Wanti ol ka'ee jiru, wanti gad fagaatee jirus, uumama keessaa wanti biraas, jaalala Waaqayyoo isa karaa gooftaa keenyaa Kristos Yesus nuuf dhufettii, danda'ee gargar nu hin baasu.

3) waaqayyo akka si wajjiin jiru:

" Abbaan koo anaaf kan kennu hundinuu gara koo in dhufa, isa gara koo dhufus ani of irraa hin ari'u;"
(Yohannis 6: 37)
"Ani matumaa si hin dadhabu, si hin buusus!" jedheera."
(Ibroota 13: 5)

4) cubbuun akka siif Dhiifame:

(1 Yohannis 1 )
8 Cubbuu hin qabnu yoo jenne of in sossobna; dhugaanis nu keessa hin jiru.
9 Cubbuu keenya yoo isatti himanne, inni amanamaa fi qajeelaa waan ta'eef, cubbuu keenya nuuf in dhiisa, jal'ina keenya hundumaattiis nu qulleessa.

5) jireenya barabaraa akka qabdu :
" Dhuguma, dhuguman isinitti hima, dubbii koo dhaga'ee isa ana ergetti kan amanu jireenya bara baraa qaba; inni du'a keessaa gara jireenyaatti darbee malee, gara firdii hin dhaqu. "
(Yohannis 5: 24)

Kitaabni qulqulluun waraqaa ragaa dhalootaa keetidha. Eenyu akka ati taate sitti hima. Yoma maraattee qalbii dabarsite illee eenyummaan kee akka hin jijjiiramne sitti hima. Eenyu akka ati taate sitti dubbata. Yoo ati isa irraanfatte illee inni waa'ee kee sitti dubbata. Kanaafuu 3. Akkuma Waraqaa dhalootaa keenya amannu kitaaba qulqulluu isa waa'ee olii dhalachuu keenya nutti Dubbatu amanuu qabna.

" Michoota ko! Nuyi amma ijoollee Waaqayyoo ti;"
(1 Yohannis 3: 2)

Tarii amanuu keetti sodaa qabda ta'a, ni shakkitas ta'a, garuu Kanaaf Deebii kan ta'u yoh 5:24 irra deddeebiidhaan dubbisi. Gara waaqayyootti dhiyeessi, akka inni sammuu keetti siif barreessuufis isa kadhadhu. Kitaabni qulqulluun ragaa dhalootaa Kee akka ta'e hin irraanfatin. Isa dubbifadhu Kakuu waaqayyo siif gale Baay'ee hubatta. Amantii keetti jabaattee akka ati dhaabattu si gargaara.

Waaqayyo gara isaatti hiddaa fi hundee gadi fageeffattee akka dhaabbattu si haa gargaaru.

EEBBIFAMAA 
JIREENYI AMANAA JIREENYAAN MADAALAMA 

 LIFEGROUP
like, share 

Comments

Himi-Gnp said…
Ragaan dhalootaa keenya sagalee waaqayyooti.
March 17, 2020 at 10:04 AM
Post a Comment

Popular posts from this blog

CUBBUU

       Cubbuun keessummeessaa fedha bilisaa fi filannooti. Burqaan cubbuullee Seexana. Isa 14:12-15. Kanaafis cubbuun karaa Addaam gara ijoollee namaatti darbuudhaan biyya lafaatti gale. Egaa namni bara Kakuu moofaattis ta'ee Kakuu haaraatti kan gaafatamu cubbuu hojjateenidha. Sababnis filannoon bilisaa hanga jirutti cubbuunis jira waan ta'eef. Akkuma fedhii ofiitiin abboomamuun jiru abboomamuu diduunis jira. Kana waan ta'eef namni bara biyya lafaa irra jiraatutti cubbuu hojjachuu hin dhiisu, Kunis uumama cubbuu hojjatu waan qabuuf. Kana jechuun Gooftaan Yesuus uumama cubbuu waan hin qabneef isa hin dabalatu. Kana malees, gosoonni cubbuu hawaasa keessa jiran heddudha. Isaan keessaa muraasni: 1). Loogii 2). Sanyummaa 3). Mirga namootaa sarbuu 4). Ulfa baasuu 5). Gaa'ila saala walfakkaatu gidduutti raawwachuu 6). Malaammaltummaa fi kkf. Bu'aan cubbuu du'a bara baraati. Egaa, waaqayyo Warra lapheen isaanii deebi'u ni jaallata. Cubbuun namoota tokk...
1 comment
Read more

Addunyaa Ormaa

 Namni kamuu du'a hin oolu; du’a balfus, duuni isa hin balfu. Garuu namni akka du'u utuma beeku, akka isa hin duunetti deddeebi'a. “Akka nama barabaraan jiraatuutti dhama'i, akka nama amma du'uutti hojii gaarii of harkaa qabaadhu!” kan jedhamu namoota hedduu biraa bakka hamma xurii qeensaa iyyuu hin qabu. Kana qofaa miti, firaa fi hiriyyaan har'a akka lubbuu keenyaatti jaalannu hunduu guyyaa ijji isaa walitti deebi'u, hafuurri isaa foon irraa adda bahu namni beeku hin jiru. Akka tasaa osoo namoota kanneen keessaa tokko miidhama lubbuu miidhamee, baay'een keenya hamma eegamuun ol miidhamna. Kunis jiraatti yeroo waliif qabaachuu dhabuu keenya irraa waan maddudha. Waliif gadduun, oo'a waliif agarsisuun, namatti dhagayamuun akkuma jirutti ta'ee, miidhama jireenyaa fi sammuu harka caalmaan kan dhaqqabsiisu, jiraatti quba waldhabuu, waan godhanii fi walii godhan osoo hin raawwatin deddeebi’uu, akka wal jaalatan walitti himuu dhiisuu, bakka waliif qaban...
Post a Comment
Read more

JIREENYA AMANTII

Namoonni tokko tokko kufaatii isaanii kaleessaatiin kan hafan yookiis immoo hubannaa wantoota sodaachisoo boru Isaan mudataniin kan qabamanidha. waaqayyo Garuu Kaleessa keessan irra hin jiraatu. Dhagayaa ani anadha jedha waaqayyo. Amantiin kee amma. Jireenyi Amantiiis immoo waayee kaleessaa yookiis borii miti. Waa'ee har'aatidha. Amantiin kan hojjatu ammaafidha. Deebii isin amma waaqayyoo fi sagalee isaatiif deebiftanidha. Kanaafuu qooda waa'ee kaleessaa dhiphachuu yookiis sodaa boruutiin guuttamuu xiyeeffannoo keessan har'a irra godhaa. Amma maal gochuu qaba jedhaatii of gaafadhaa. Har'aa keessan gaarii godhaa. Dhiphinni keessan kaleessaa fi sodaan keessan boruu diina gammachuu keessan har'aatidha. Kaleessi darbeera. Dubbii waaqayyoo isa isin Irra jiru irratti xiyyeeffadhaa. Sababnis waaqayyo sodaa keessanitti hin gammadu amantii keessanitti malee. Guyyicha guyyaa milkaa'aa godhaa. Eeliyaas gaara koreb gubbatti Yommuu waaqayyoon Walgaye waaqayyo...
Post a Comment
Read more