Skip to main content

BA'AA ISA KAM BAADHATTAA?


     Gaaf tokko Harree daba dhooftu tokkotu ture. Yeroo hundumaa Abbaan harreettii soogidda itti Fe'ee Yommuu deemu qarqara  lagaa yoo geettu ciiftee gangalatti turte. Yeroo San bishaan ba'aa isheen baatteertu keessa seenee Yommuu bulbulu, ba'aan harreettii irraa xiqqoo waan itti salphatuuf. Irra deddeebiin yeroo harreettiin kana gootu abbaan itti beekee, qooda duraan soigidda itti Fe'aa ture amma Ashawaa(cirracha) itti Fe'ee deddeebisuu jalqabe. Harreettiin immoo Akkuma amala ishee daba dhooftee qarqara lagaa Yommuu ciiftee gangalachuu jalqabdu, bishaan immoo cirrachicha isheen baatteertu keessa gale,   
Amma ba'aan narraa salphateera jettee Yommuu isheen ka'uuf jettu cirrachichi isa duraa caalaatti itti waan ulfaateef ka'uu dadhabdee achitti hafte.
Eeyye, Michoota koo waanjoo gooftaa salphaa fi gati-qabeessa hin baadhannu yoo jenne seexanni ba'aa isaa nu baadhachiisa waan ta'eef haa deebinuu. Kanaafis immoo waaqayyo keenya araara-qabeessi ayyaana isaatiin nu haa gargaaru AMEEN!

     ( W. MAATEWOOS 11:28-29)

Gaaffii: Ani gaafa ergaa kana maxxansu sababa qaba.  Siif hoo erga dubbiftee booddee bu'aa maal qaba?

        EEBBIFAMAA 
JIREENYI AMANAA JIREENYAAN MADAALAMA!
 
         LIFEGROUP 


       

Comments

Post a Comment

Popular posts from this blog

CUBBUU

       Cubbuun keessummeessaa fedha bilisaa fi filannooti. Burqaan cubbuullee Seexana. Isa 14:12-15. Kanaafis cubbuun karaa Addaam gara ijoollee namaatti darbuudhaan biyya lafaatti gale. Egaa namni bara Kakuu moofaattis ta'ee Kakuu haaraatti kan gaafatamu cubbuu hojjateenidha. Sababnis filannoon bilisaa hanga jirutti cubbuunis jira waan ta'eef. Akkuma fedhii ofiitiin abboomamuun jiru abboomamuu diduunis jira. Kana waan ta'eef namni bara biyya lafaa irra jiraatutti cubbuu hojjachuu hin dhiisu, Kunis uumama cubbuu hojjatu waan qabuuf. Kana jechuun Gooftaan Yesuus uumama cubbuu waan hin qabneef isa hin dabalatu. Kana malees, gosoonni cubbuu hawaasa keessa jiran heddudha. Isaan keessaa muraasni: 1). Loogii 2). Sanyummaa 3). Mirga namootaa sarbuu 4). Ulfa baasuu 5). Gaa'ila saala walfakkaatu gidduutti raawwachuu 6). Malaammaltummaa fi kkf. Bu'aan cubbuu du'a bara baraati. Egaa, waaqayyo Warra lapheen isaanii deebi'u ni jaallata. Cubbuun namoota tokk...
1 comment
Read more

Addunyaa Ormaa

 Namni kamuu du'a hin oolu; du’a balfus, duuni isa hin balfu. Garuu namni akka du'u utuma beeku, akka isa hin duunetti deddeebi'a. “Akka nama barabaraan jiraatuutti dhama'i, akka nama amma du'uutti hojii gaarii of harkaa qabaadhu!” kan jedhamu namoota hedduu biraa bakka hamma xurii qeensaa iyyuu hin qabu. Kana qofaa miti, firaa fi hiriyyaan har'a akka lubbuu keenyaatti jaalannu hunduu guyyaa ijji isaa walitti deebi'u, hafuurri isaa foon irraa adda bahu namni beeku hin jiru. Akka tasaa osoo namoota kanneen keessaa tokko miidhama lubbuu miidhamee, baay'een keenya hamma eegamuun ol miidhamna. Kunis jiraatti yeroo waliif qabaachuu dhabuu keenya irraa waan maddudha. Waliif gadduun, oo'a waliif agarsisuun, namatti dhagayamuun akkuma jirutti ta'ee, miidhama jireenyaa fi sammuu harka caalmaan kan dhaqqabsiisu, jiraatti quba waldhabuu, waan godhanii fi walii godhan osoo hin raawwatin deddeebi’uu, akka wal jaalatan walitti himuu dhiisuu, bakka waliif qaban...
Post a Comment
Read more

JIREENYA AMANTII

Namoonni tokko tokko kufaatii isaanii kaleessaatiin kan hafan yookiis immoo hubannaa wantoota sodaachisoo boru Isaan mudataniin kan qabamanidha. waaqayyo Garuu Kaleessa keessan irra hin jiraatu. Dhagayaa ani anadha jedha waaqayyo. Amantiin kee amma. Jireenyi Amantiiis immoo waayee kaleessaa yookiis borii miti. Waa'ee har'aatidha. Amantiin kan hojjatu ammaafidha. Deebii isin amma waaqayyoo fi sagalee isaatiif deebiftanidha. Kanaafuu qooda waa'ee kaleessaa dhiphachuu yookiis sodaa boruutiin guuttamuu xiyeeffannoo keessan har'a irra godhaa. Amma maal gochuu qaba jedhaatii of gaafadhaa. Har'aa keessan gaarii godhaa. Dhiphinni keessan kaleessaa fi sodaan keessan boruu diina gammachuu keessan har'aatidha. Kaleessi darbeera. Dubbii waaqayyoo isa isin Irra jiru irratti xiyyeeffadhaa. Sababnis waaqayyo sodaa keessanitti hin gammadu amantii keessanitti malee. Guyyicha guyyaa milkaa'aa godhaa. Eeliyaas gaara koreb gubbatti Yommuu waaqayyoon Walgaye waaqayyo...
Post a Comment
Read more